ກະລຸນາເບິ່ງ ລາຍລະອຽດ ໃນໜ້າເງື່ອນໄຂທີ່ຈະໄດ້ຮັບທຶນ ຂອງເວັບໄຊ.
ຕົວຢ່າງຂອງການຊ່ວຍເຫຼືອທາງດ້ານວິຊາການ ທີ່ ທສທ II ໃຫ້ທຶນສົມທົບ ປະກອບລວມມີ (ແຕ່ບໍ່ຈໍາກັດ):
• ການສ້າງມາດຕະຖານດ້ານຄຸນນະພາບທີ່ຈໍາເປັນເພື່ອໃຫ້ເຂົ້າເຖິງແຫຼ່ງຕະຫຼາດໃໝ່ ຫຼື ດຶງດູດລູກຄ້າໃໝ່.
• ການສ້າງແນວທາງການບໍລິຫານແບບມີຍຸດທະສາດ ແລະ ວິຊາການ ທີ່ຕິດພັນກັບຂະແໜງການທຸລະກິດທີ່ທ່ານດຳເນີນຢູ່.
• ຍົກລະດັບລະບົບຂໍ້ມູນຂ່າວສານ ແລະ ລະບົບການເຮັດວຽກພາຍໃນຂອງບໍລິສັດ.
• ການປັບປຸງລະບົບການຜະລິດໃຫ້ມີປະສິດທິພາບ ແລະ ມີຄວາມອາດສາມາດໃນການແຂ່ງຂັນ.
• ການປັບປຸງ ຍີ່ຫໍ້ສິນຄ້າ (branding) ແລະ ການຕະຫຼາດ [1]
• ການສ້າງການເຊື່ອມໂຍງເຂົ້າເຖິງຕະຫຼາດ ແລະ ການສົ່ງເສີມການສົ່ງອອກທີ່ດີກວ່າເກົ່າ.
• ການພັດທະນາສິນຄ້າ ຫຼື ການບໍລິການ ເພື່ອຫຼຸດຜ່ອນຄວາມຈໍາເປັນໃນການນໍາເຂົ້າ.
• ການນໍາໃຊ້ແນວຄິດທີ່ເປັນນະວັດນະຕະກຳໃໝ່ເຂົ້າໃນການດຳເນີນທຸລະກິດ, ສິນຄ້າ ຫຼື ການບໍລິການ.
ຖ້າທ່ານບໍ່ແນ່ໃຈວ່າ ການຊ່ວຍເຫຼືອດ້ານວິຊາການທີ່ທ່ານຕ້ອງການຈະເໝາະສົມກັບເງື່ອນໄຂໃນການຂໍທຶນຫຼືບໍ່, ກະລຸນາຕິດຕໍ່ພວກເຮົາເພື່ອຂໍຄໍາແນະນໍາ.
ບໍລິສັດຕ້ອງລົງທະບຽນໂດຍຜ່ານທາງເວັບໄຊຂອງພວກເຮົາ ແລະ ຍື່ນຄໍາຮ້ອງສະໝັກທີ່ປະກອບດ້ວຍຂໍ້ມູນທີ່ຄົບຖ້ວນ ພ້ອມທັງສະໜອງເອກະສານ ກ່ຽວກັບ ແຜນຂະຫຍາຍຕົວຂອງທຸລະກິດ, ງົບປະມານ/ມູນຄ່າ ແລະ ໃບສະເໜີລາຄາຈາກຜູ້ສະໜອງ. ກະລຸນາ ກົດບ່ອນນີ້ ເພື່ອປະກອບຄໍາຮ້ອງສະໝັກ.
ບໍ່ມີຄ່າໃຊ້ຈ່າຍໃດໆຕິດພັນ.
ທ່ານສາມາດຍື່ນຄໍາຮ້ອງສະໝັກຂໍທຶນຈາກ ທສທ II ໄດ້ຕະຫຼອດເວລາ ແລະ ຄໍາຮ້ອງຈະຖືກດໍາເນີນການຕາມລໍາດັບ ຕາມເລກທີທີ່ທ່ານໄດ້ຮັບໃນເວລາຍື່ນຄໍາຮ້ອງ. ພວກເຮົາຄາດຫວັງທີ່ຈະສະໜອງທຶນ ຈໍານວນ 50 ທຶນ ໃນປີທໍາອິດ (ເລີ່ມຈາກເດືອນກໍລະກົດ 2019 ເປັນຕົ້ນໄປ) ແລະ ເພີ່ມຂຶ້ນເປັນ ປະມານ 100 ທຶນ ໃນປີທີສອງ ແລະ ທີ່ສາມ. ເຖິງຢ່າງໃດກໍຕາມ ພວກເຮົາຄາດຫວັງວ່າ ຈະໄດ້ຮັບຄໍາຮ້ອງສະໝັກຂໍທຶນເປັນຈໍານວນຫຼາຍກວ່າທີ່ພວກເຮົາຈະສະໜັບສະໜູນ ແລະ ກໍ່ອາດຈະມີຄໍາຮ້ອງສະໝັກ ຈໍານວນບໍ່ໜ້ອຍທີ່ຈະບໍ່ປະສົບຜົນສໍາເລັດ (ກະລຸນາເບິ່ງຄໍາຖາມ ແລະ ຄໍາຕອບຕໍ່ໄປ). ເພື່ອຮັບປະກັນຄວາມສົມດຸນແບບຢຸດຕິທໍາໃຫ້ທົ່ວເຖິງທຸກຮູບແບບກິດຈະກໍາ, ຂະແໜງທຸລະກິດ, ສະຖານທີ່ຕັ້ງ ແລະ ອື່ນໆ ລວມເຖິງການຮັບປະກັນ “ຄຸນຄ່າຂອງເງິນ”, ທສທ II ຈໍາເປັນຈະຕ້ອງໄດ້ມີຍຸດທະສາດ ແລະ ການຄັດເລືອກໃນການໃຫ້ທຶນ.
ການຕັດສິນໃຈຂອງ ທສທ II ວ່າບໍລິສັດໃດ ແລະ ກິດຈະກໍາໃດຈະເໝາະສົມທີ່ຈະໄດ້ຮັບທຶນສົມທົບ ຫຼື ບໍ່ ແມ່ນຖືວ່າເປັນການຕັດສິນໃຈຂັ້ນສຸດທ້າຍ, ແລະ ຈະບໍ່ມີຂະບວນການອຸທອນຕໍ່ການຕັດສິນດັ່ງກ່າວ.
ຄໍາຮ້ອງສະໝັກທີ່ຍື່ນໄປຍັງ ທສທ II ຕ້ອງແມ່ນມາຈາກບໍລິສັດທີ່ຕ້ອງການທຶນສົມທົບເພື່ອຈ່າຍຄ່າບໍລິການທາງດ້ານວິຊາການ. ຜູ້ສະໜອງການບໍລິການທາງດ້ານການພັດທະນາທຸລະກິດ ບໍ່ສາມາດສະໝັກໃນນາມຂອງລູກຄ້າ ຫຼື ຜູ້ທີ່ຈະເປັນລູກຄ້າຂອງພວກເຂົາໃນອະນາຄົດໄດ້. ເຖິງຢ່າງໃດກໍຕາມ, ຜູ້ສະໜອງການບໍລິການທາງດ້ານການພັດທະນາທຸລະກິດ ສາມາດເປັນຜູ້ສະໝັກຂໍທຶນເພື່ອຂໍການສະໜັບສະໜູນການບໍລິການທາງດ້ານວິຊາການທີ່ພວກເຂົາຕ້ອງການ ເພື່ອສ້າງທຸລະກິດຂອງເຂົາເອງ.
ສໍາລັບການຈ່າຍເງິນທົດແທນຄືນ ຈໍານວນ 50 % ຂອງມູນຄ່າໃຊ້ຈ່າຍທີ່ເກິີດຂື້ນ, ຜົນໄດ້ຮັບ ແລະ ຫຼັກຖານທາງເອກະສານທີ່ສຳຄັນຈະຖືກກຳນົດໃນສັນຍາ (ທີ່ມີຂໍ້ຜູກມັດທາງກົດໝາຍ). ເອກະສານປະກອບແມ່ນຂື້ນກັບແຕ່ລະປະເພດກິດຈະກຳ, ຍົກຕົວຢ່າງ ຜົນໄດ້ຮັບ ເຊິ່ງປະກອບດ້ວຍ ບົດລາຍງານຜົນໄດ້ຮັບຂອງການເຮັດກິດຈະກຳ, ຫຼັກຖານຂອງການຊໍາລະທັງໝົດ ເຊັ່ນ ໃບແຈ້ງໜີ້ ແລະ ໃບຮັບເງິນຕົ້ນສະບັບ, ແລະ ອື່ນໆ.
ໄດ້. ບໍລິສັດໃດໜຶ່ງສາມາດສະໝັກຂໍທຶນໄດ້ອີກ ຖ້າຫາກວ່າກິດຈະກຳທີ່ເຄີຍຖືກສະໜັບສະໜູນນັ້ນໄດ້ເຮັດສຳເລັດຕາມຄວາມເພີງພໍໃຈ ແລະ ກິດຈະກຳທີ່ຈະສະເໜີຂໍທຶນຄັ້ງຕໍ່ໄປນັ້ນມີຄວາມເໝາະສົມ. ບໍລິສັດທີ່ເຄີຍສະໝັກຂໍທຶນກັບ ທສທ I ສາມາດສະໝັກຂໍທຶນກັບ ທສທ II ໄດ້ອີກ.
ທຶນສົບທົບສ່ວນຫຼາຍແລ້ວແມ່ນຈະບໍ່ເກີນ 200,000 ໂດລາສະຫະລັດ. ບໍ່ມີບໍລິສັດໃດ ຫຼື ກຸ່ມບໍລິສັດທີ່ມີການບໍລິຫານ ຫຼື ກຳມະສິດພາຍໃຕ້ອົງກອນດຽວກັນ ຈະໄດ້ຮັບທຶນເກີນ 200.000 ໂດລາສະຫະລັດ. ທສທ II ຈະໃຫ້ທຶນໄດ້ ພຽງແຕ່ 50 % ຂອງມູນຄ່າໃຊ້ຈ່າຍທັງໝົດຂອງການບໍລິການທາງດ້ານວິຊາການທີ່ໄດ້ຕົກລົງກັນ. ການໃຫ້ທຶນແມ່ນພາຍຫຼັງກິດຈະກຳຕ່າງໆສໍາເລັດລົງ ແລະ ໄດ້ຮັບການຢັ້ງຢືນວ່າສໍາເລັດແລ້ວ ແລະ ພາຍຫຼັງທີ່ບໍລິສັດໄດ້ສະໜອງຫຼັກຖານການຊໍາລະເປັນຈໍານວນເຕັມຂອງຄ່າໃຊ້ຈ່າຍສໍາລັບບໍລິການດັ່ງກ່າວ.
ບໍ່ໄດ້. ບໍລິສັດຕ້ອງໄດ້ຮັບການບໍລິການທາງດ້ານວິຊາການ ແລະ ຊໍາລະຄ່າໃຊ້ຈ່າຍເປັນຈໍານວນເຕັມດັ່ງທີ່ໄດ້ຕົກລົງກັນໄວ້ໃນສັນຍາ ກ່ອນທີ່ ທສທ ຈະສະໜອງທຶນໃຫ້. ທຶນແມ່ນຈະເບີກຈ່າຍໃຫ້ງວດດຽວ.
ຈໍານວນເງິນທຶນທີ່ ທສທ II ຈະຈ່າຍໃຫ້ບໍ່ເກີນມູນຄ່າຕົວເລກທີ່ໄດ້ລະບຸໄວ້ໃນສັນຍາ ແລະ ຕ້ອງບໍ່ເກີນ 50 % ຂອງມູນຄ່າໃຊ້ຈ່າຍທັງໝົດຂອງການບໍລິການທາງດ້ານວິຊາການທີ່ໄດ້ສະໜອງ. ຖ້າມູນຄ່າໃຊ້ຈ່າຍທັງໝົດຂອງການບໍລິການທາງດ້ານວິຊາການທີ່ໄດ້ສະໜອງນັ້ນ ຫຼາຍກວ່າ ຈໍານວນທີ່ໄດ້ຄາດຄະເນໄວ້ໃນສັນຍາ, ບໍລິສັດຕ້ອງຈ່າຍມູນຄ່າສ່ວນເກີນດັ່ງກ່າວເອົາເອງ. ຖ້າມູນຄ່າໃຊ້ຈ່າຍທັງໝົດຂອງການບໍລິການທາງດ້ານວິຊາການທີ່ໄດ້ສະໜອງນັ້ນ ໜ້ອຍກວ່າ ຈໍານວນທີ່ໄດ້ຄາດຄະເນໄວ້ໃນສັນຍາ, ທສທ II ຈະໃຫ້ທຶນ 50 % ຂອງຕົວເລກທີ່ໃຊ້ຈ່າຍຕົວຈິງນັ້ນ.
ແຜນທຸລະກິດລະອຽດ ບໍ່ແມ່ນອົງປະກອບຫຼັກໃນເວລາປະກອບຄໍາຮ້ອງສະໝັກຂໍທຶນ. ແຕ່ເຖິງຢ່າງໃດກໍຕາມ, ຕ້ອງໄດ້ສະແດງເຫດຜົນຂອງການຂໍທຶນສະໜັບສະໜູນຢ່າງຊັດເຈນ ແລະ ຕ້ອງໄດ້ສະແດງໃຫ້ເຫັນເຖິງຄວາມເຊື່ອມໂຍງກັນລະຫວ່າງການບໍລິການທາງດ້ານວິຊາການທີ່ສະເໜີ ແລະ ແຜນການຂະຫຍາຍຕົວຂອງບໍລິສັດ. ທີ່ປຶກສາ ຂອງ ທສທ II ຈະຊ່ວຍເຫຼືອທ່ານໃນຂັ້ນຕອນດັ່ງກ່າວ, ຖ້າຈໍາເປັນ.
ໄດ້. ຜູ້ສະໜອງການບໍລິການ ສາມາດຢູ່ຕ່າງປະເທດໄດ້ ຖ້າວ່າບໍ່ມີຜູ້ສະໜອງພາຍໃນ ສປປ ລາວ. ບໍລິສັດຂອງຜູ້ສະໝັກຂໍທຶນ ມີອິດສະຫຼະໃນການຄັດເລືອກຜູ້ສະໜອງການບໍລິການຕາມທີ່ທ່ານຄິດວ່າມີຄຸນນະພາບເໝາະສົມ ແລະ ໄດ້ຕ້ອງໄດ້ສະເໜີ້ໃຫ້ ທສທ II ກ່ອນການອະນຸມັດ. ທສທ II ເນັ້ນໜັກໃສ່ການໃຫ້ຄວາມສໍາຄັນທາງດ້ານຄຸນຄ່າຂອງເງິນ ແລະ ມີຄວາມຈໍາເປັນທີ່ຈະຕ້ອງຮູ້ລາຄາການບໍລິການທາງດ້ານວິຊາການ ວ່າຢູ່ພາຍໃຕ້ບັນຖັດຖານຂອງຕະຫຼາດທີ່ສາມາດຮັບໄດ້.
ໄດ້. ຜູ້ສະໜອງການບໍລິການທາງດ້ານວິຊາການອິດສະຫຼະທີ່ຜ່ານມາດຕະຖານ ສາມາດເປັນເປັນຜູ້ສະໜອງການບໍລິການ ແລະ ເໝາະສົມທີ່ຈະຂໍທຶນສົມທົບສະໜັັບສະໜູນໄດ້.
ບໍ່ໄດ້. ທສທ II ບໍ່ສາມາດໃຫ້ເງິນທຶນສະໜັບສະໜູນ ການບໍລິການທາງດ້ານວິຊາການທີ່ລັດຖະບານ ຫຼື ຜູ້ໃຫ້ທຶນອື່ນເປັນຜູ້ສະໜອງການບໍລິການໃຫ້.
ຖ້າທ່ານແມ່ນຜູ້ສະໜອງການບໍລິການ ແລະ ຕ້ອງການໃຫ້ບໍລິສັດຂອງທ່ານເປັນສ່ວນໜຶ່ງຂອງເຄືອຂ່າຍ ທສທ II, ກະລຸນາກົດ ບ່ອນນີ້ ເພື່ອລົງທະບຽນ. ເຖິງຢ່າງໃດກໍຕາມ, ທາງ ທສທ II ເປັນຝ່າຍດຽວທີ່ມີສິດພິຈາລະນາວ່າ ຈະອະນຸຍາດໃຫ້ທ່ານເອົາຂໍ້ມູນກ່ຽວກັບການບໍລິການຂອງທ່ານເຂົ້າໃນເວັບໄຊ້ໄດ້ຫຼືບໍ່ ແລະ ບໍ່ມີເງື່ອນໄຂໃດກຳນົດເຖິງການຮັບຮອງເອົາຜູ້ສະໜອງການບໍລິການດັ່ງກ່າວນັ້ນ.